Tá lúcháir orainn a fhógairt go bhfuil Scéim Sparánachta d’Ealaíontóirí Gaeltachta fógartha anois.

Tá treoracha iomlána na scéime, mar aon leis an bhfoirm iarratais, ar fáil ar shuíomh gréasáin Ealaín na Gaeltachta. Is é príomhchuspóir na scéime tacú le healaíontóirí am a chur ar leataobh chun barr feabhais a bhaint amach ina gcleachtas ealaíne.

Tá an scéim dírithe ar ealaíontóirí ag gach céim dá ngairm, idir chleachtóirí luatha agus ealaíontóirí fadbhunaithe. Tá rogha ag iarrthóirí idir dhá leibhéal maoinithe: suas le €5,000 dóibh siúd atá luath ina gcleachtas agus suas le €10,000 dóibh siúd a bhfuil níos mó taithí acu.

Le haghaidh tuilleadh eolais, tabhair cuairt ar: Scéim Sparánachta d’Ealaíontóirí Gaeltachta • Ealaín na Gaeltachta

Spriocdháta d’iarratais: Déardaoin 16 Iúil 2026